'हार हार उद्धव'

राजे, तुम्ही आम्हाला 'हिन्दवी स्वराज्य' का दिलंत ?
आम्ही त्यातंल फ़क्त 'हिंदुत्व' लक्षात ठेवावं, म्हणून ??

राजे, तुम्ही आम्हाला 'भगवा ध्वज' का दिलात ?
आम्ही त्या भगव्यातील 'भागवत' कायमचं विसरून जावं म्हणून ??

प्रबोधनकारसाहेब, तुम्ही आम्हाला 'वाघ' कशासाठी दिलात ?
आम्हाला नुसत्या डरकाळया मारता याव्यात, म्हणून ??

साहेब, तुम्ही आमच्या हातात 'धनुष्यबाण' का दिलात ?
आम्ही तो अतिताणुन, तोडून, अंगावर पाडून घ्यावा, म्हणून ??

साहेब, तुम्ही आम्हाला 'स्वाभिमान' कशासाठी शिकवलात ?
आम्ही जनतेच्या इच्छा स्वाभिमानाखाली चिरडाव्या, म्हणून ??

साहेब, तुम्ही आम्हाला 'इमान राखा' हे शेवटच्या सभेत का सांगितलत ?
आम्ही या मातीची इमानेइतबारे सेवा करण्याची संधी लाथा डावी म्हणून ??

साहेब, तुम्ही आम्हाला 'सरळसोट रोखठोक ताबडतोब' निर्णय घ्यायला का लावलेत ?
आमच्यातील निर्नायकत्व आणि निर्निर्णायकता सदासर्वदा वाढीस लागावी म्हणून ??

छे !
आज, आम्ही ना आदर्शांचे अनुकरण करतोय
ना नवे आदर्श घालून देतोय !

आज जे काही चालू आहे,
त्यात ना मातीत पाय भक्कम रोवण्याची ताकद आहे
ना आभाळाएवढी स्वप्ने पूर्ण करण्याची जिद्द आहे
आहे ते केवळ पोकळ अधांतर !!

 आणि सोबत ...
पोकळ प्रोत्साहन मिळण्यासाठी सुरु असलेली
'हर हर महादेव' च्या गर्जने ऐवजी
'हार हार उद्धव' अशी कुजबुज !!!

 --- यम (यशवंत महाकाळ )
नोव्हेंबर 12, 2014.