'सन्मान'

आजकाल काही भक्तांना भलतेच वाटत आहे
की आई एकविरादेवीचा चॉइस फार बदलला आहे
धार्मिक साडीचोळी आणि कोवळया कोंबडी ऐवजी
ती राजकीय दान मागत आहे.
...
पाच वर्षापुर्वी एका भक्ताने 'तेरा' आमदार वाहिले
परवाच अजुन एका भक्ताने 'त्रेसष्ट' आमदार वाहिले
आणि पुढे 'एकशे ऐंशी' वाहीन असे 'नवसनाम्या'त म्हटले.
...
आई फार बिलंदर आहे. भक्तांचा चालुपणा तिला कळत आहे.
म्हणून ती राजकीय दान देण्याऐवजी राजकीय बळी घेत आहे.
तेरा पैकी बारांचा बळी घेवुन एकाचेच दान पदरात टाकले आहे
त्रेसष्टचेही तसेच काहीतरी करण्याचा तिचा प्लान आहे.
...
साड़ी-चोळी-कोंबडी देणारा खराखुरा भक्त हे सारे पहात आहे.
आईचे हे वागणे त्याला खटकत आहे.न राहवून विचारतो आहे -
"असे का करतेस आई ? माणसे तर आपलीच आहेत !"
...
आई म्हणते - "तुझ्यासारखे यांचे मन स्वछ नाहीये !
तू मनापासून एकाच एकाविरेची भक्ती करत आहे.
हे भक्त पूजा माझी घालतात पण
मनात पंढरपुरच्या विठोबाची सरकारी आरती आहे.
कसे सांगू तुला -
माझापण योग्य तो 'सन्मान' राखला जात नाहीये !"

---यम (यशवंत महाकाळ)
नोवेम्बर ६, २०१४