प्रेम कर आयुष्यावर !

तू भीती तिच्या पतिव्रताची
तू स्त्रोत तिच्या अपराधीपणाचा
तू अडगळ तिच्या आयुष्याची
तू मरण तिच्या जगण्याचं !

तू प्रेम केलंच नाहीस,
तू आता ते कशाला मागतोस ?
सरणाच्या वाटेवरील प्रेमाला
आता शुक्राणूंची साद का घालतोस ?

एकटेपणा तुला नवा नाही, नि
सोबतीपणा तुला धार्जिणा नाही
एकटेपणाची सोबत कर
तोच तुला धार्जिणा आहे

जगणं थांबवू नकोस
त्याचा अपमान करू नकोस
रडू नकोस, प्रेम कर स्वतःवर
प्रेम कर आयुष्यावर !