एकाकी मना रे, का गर्दीची
आस तुला ?
एकला जीव रे, एकला रिझव
त्याला !
गर्दीने कधी रे, आनंद तुझा
मिरवला ?
एकला नाच रे, एकला पसरव
त्याला !
गर्दीने कधी रे, दर्द तुझा कवटाळला
?
एकला साही रे, एकलाच मिटव
त्याला !
गर्दीने कधी रे, सूर तुझा
रे ऐकला ?
एकला लाव रे, सूर एकाकी
जीवनाला !
गर्दीने कधी रे, विचार तुझा
जाणला ?
एकला गाठ रे, एकल्या त्या
सत्याला !
गर्दीस कधी रे, वाट तुझी
कळेल का ?
एकला चाल रे, एकल्या तू
मुसाफिरा !
--- यम (यशवंत महाकाळ),
फेब्रुवारी ६, २०१४
No comments:
Post a Comment